الفترة الأخيرة قابلنا حالات كتير بتشتكي من صداع مستمر، وللأسف بيكونوا راحوا لتخصصات كتير دون نتيجة حقيقية، مش كل صداع سببه مشكلة في المخ، في نوع شائع جدًا بيكون سببه شد عضلات الرقبة أو غضروف الرقبة.
🔹 بيحصل ليه؟
● عضلات الرقبة المشدودة لفترة طويلة.
●ضغط غضروف الرقبة على الأعصاب.
● وضعية الرأس الغلط أثناء الشغل أو استخدام الموبايل.
● ضعف عضلات الرقبة والكتفين.
🔹 بيكون شكله إزاي؟
● وجع يبدأ من الرقبة ويطلع للرأس.
● ألم في مؤخرة الرأس أو خلف العين.
● يزيد مع حركة الرقبة.
● إحساس بتيبّس أو ثقل في الرقبة.
🔹 نتعامل معاه إزاي؟
المسكنات بتخفف الألم مؤقتًا، لكن العلاج الحقيقي بيكون في علاج السبب:
✔️ علاج طبيعي منتظم.
✔️ تقليل شد عضلات الرقبة.
✔️ تمارين لتحسين قوة ومرونة الرقبة.
✔️ تصحيح وضعية الجلوس والنوم.
📌 لو الصداع متكرر ومعاه ألم في الرقبة، غالبًا السبب من الرقبة نفسها، والتقييم الصح بيوفّر وقت وألم كتير.
